معرفش دة بيتكرر ليه ؟؟؟؟!!!!!!!!!!!!!!!؟؟؟؟؟؟

مش عارفة أبدأ من اين ؟ بس الموضوع أصبح خطير جداً فى المجتمع الى احنا عايشين فيه الموضوع بدأ بسؤال كنت بتفرج على إحدى الفضائيات وجت فقرة تحمل سؤال أيهما أنجح " الجواز اللى عن حب ولا جواز الصالونات" الجواز التقليدى وبدأ الجمهور فى الاتصال والتصويت للنوع الثانى من الجواز أقصد الجواز التقليدى وذكر مزاياه وعيوب ومساؤى الجواز اللى عن حب ! مش كدا وبس وكمان انا لاحظت حاجة تانية من اصدقائى المحامين وهو زيادة نسب الطلاق بعد شهر او 2 او 3 شهور وللاسف غالبية المتجوزين كانوا عن حب طب اية اللى بيحصل بقى ؟ كل واحد قال راية اللى مقتنع بيه لكن أنا ليا رأيى تانى أن الاهل لهم علاقة بفشل ونجاح الجواز مش العروسين فقط بدايه من الاب اللى لما يجى له العريس الشاب الغلبان اللى قعد سنين يشتغل ويشقى ويحوش يتشرط علية عايز شبكة بكذا ومهر والبنت عايزة فستان اغلى من بتاع بنت عمها وكوافير اغلى واحسن من بنت خالها وكل دى احمال على الشاب الى بيبدا حياتة بديون واثقال وأقساط فيها اية لو الاب ساعد جوز بنته او حتى ما أثقلش عليه فى الطلبات ومكتبش قايمة اللى بتعمل مشاكل وبتخلى العريس يسيب عروستة قبل الفرح بكام يوم والعريس لما يلاقى ابو العروسة عمل كدا معاة هيقدر بنتة ويحترمها ولابد للبنت انها تقدر الشاب اللى جة واتقدم لها سواء كانت بتحبة او جواز صالونات لان عدد المش متجوزين وهما فى سن الجواز بداية من سن 15 من الجنسين زاد عن 10 مليون فى المجتمع ودة بقى الى بينشر البلاوى والتحرش والرذيلة فى المجتمع وربنا يستر ويهدى الشباب واولياء الامور وعلى فكرة انا والدى مبيكتبش قايمة وما شاء الله جوازات اخواتى الله اكبر ناجحة جدا ونصيحة اخيرة للبنات بلاش تقولى لمامتك كا اللى بيحصل فى بيت جوزك وحماتك هى امك التانية احسنى معاملتها لانها هى اللى ربت وتعبت فية واديتهولك راجل ع الجاهز واعرفى ان فى يوم هتبقى ام ومن بعدها حماة وكما تدين تدان وحاجة اخيرة عايزة اعرف بتفضلوا الجواز اللى عن حب ولا جواز الصالونات ولا مش هتفرق جوازة والسلام ؟