الحقيقة انا قررت اغير اسم المدونة لملاحظات اقصرية
والصورة اللى لاحظتها انهردة فى شارع جانبى بجوار كنيسة السيدة العذراء سوبر ماركت (محدودى الدخل ) اخذت الصورة خلسة وبعد كدة قررت استثمر حسى الصحفى فقلت اروح اسال الموجود داخل السوبر ماركت هو صحيح اسم السوبر ماركت دة اسم على مسمى ؟؟؟؟؟ فقالى: اة والله يا ابلة بس انتى تبع اية ؟
فقلت لة : انا تبع اية وريحتة .
وسئلتة : هو زباينك من الجيران فقط ؟
فقال لى : لا دة انا الناس بتيجى لى من المنشية تشترى ، طب قولى كدة على سعر اى حاجة وهتلاقيها ارخص من برة مثلا الكانز هنا فى الاقصر ب..... انا ببيعة ب..... يعنى ارخص نص جنية مش كدة
قلت لة : طب اية اخبار السياح معاك ؟
قالى انا مش بغلى عليهم اكتر من جنية ع السعر الاصلى للمصريين طب دة انا " توى " - كلمة صعيدية قريبة الشبة ب " التو" ف اللغة العربية بمعنى الأن - بعت لخواجة ومن رخص اسعارى راح جاب لى المركب كلها اللى نازل عليها وهو يقصد المجموعة المقيمة بالفندق العائم اللى اشترى منة ذالك السائح .
شكرتة ومشيت ابحث عن ملاحظة تانية فى المدينة العريقة .
كلب هيموت من العطش وبنت خالتى الأمريكانية خدت أزايز المية بتاعتنا وشربتهاله 
