انهردة انا شفت دكتور زاهى حواس بجد رؤية العين اة والله برغم انى عارفة من قبلها بيوم انى هشوفة وطلبت من اختى نادية تسلفنى موبيلها ابوكاميرا لان بتاعى من غير كاميرا رفضت خوفا علية من عبثى به لانى مازلت طفلة فى نظر الاخت الكبيرة المهم انا كان عندى احلام واسئلة بصفتى من خريجى الصحافة هسأل دكتور زاهى عنها لكن الواقع كان غير كل التخطيط اللى انا كنت مخططة لة زحمة وتليفزيونات اجنبية ما علينا الصورة اللى انا كنت بحلم بيها مع دكتور زاهى ليس لمجد شخصى او اخر صحفى لكن كل الحكاية ان انا قررت انى احط كل صور المشاهير اللى بيجوا يزورو الاقصر فى الجروب بتاعى ع الفيس بوك اللى هو( luxor lovers) وقلت احط صورتى مع دكتور زاهى عشان اعمل support للجروب بتاعى المهم كل اللى قدرت اتحصل علية من دكتور زاهى السينتشر بتاعة فى الايندكس بتاعى والحقيقة كان راجل ظريف جدا ومتواضع واتكلم معايا لبضع ثوانى بهزار ولطف اشكرة علية واتمنى انى اشوفة تانى واسالة اللى كان نفسى اسال هولة ودى صورة من التوقيع اية رأيكم انزلها الجروب ولا اية ؟؟؟؟؟
نرمين الاقصر 23نوفمبر 2008
نرمين الاقصر 23نوفمبر 2008
